సెన్సార్ కార్యక్రమాల్లో “ఆర్ కే దీక్ష”

ఆర్ కె ఫిలిమ్స్, సిగ్ధ క్రియేషన్స్ బ్యానర్‌‌లో డా.ప్రతాని రామకృష్ణ గౌడ్ దర్శక నిర్మాతగా డి ఎస్ రెడ్డి సమర్పణలో ఢీ, జోడి ఫేమ్ అక్సఖాన్, అలేఖ్య రెడ్డి హీరోయిన్స్ గా, కిరణ్ హీరోగా నటిస్తున్న చిత్రం “ఆర్ కే దీక్ష”. ఈ చిత్రంలో తులసి, అనూష,కీర్తన, ప్రవల్లిక, రోహిత్ శర్మ ఇతర కీలక పాత్రలు పోషించారు. “ఆర్ కే దీక్ష” సినిమా ప్రస్తుతం సెన్సార్ కార్యక్రమాలు జరుపుకుంటోంది. ఈ చిత్రాన్ని త్వరలోనే గ్రాండ్ థియేట్రికల్ రిలీజ్ కు తీసుకొస్తామని దర్శక నిర్మాత డా. ప్రతాని రామకృష్ణ గౌడ్ తెలిపారు. ఈ సందర్భంగా హీరోయిన్ అక్సాఖాన్ మాట్లాడుతూ – “ఆర్ కే దీక్ష” మూవీలో నటించే అవకాశం కల్పించిన రామకృష్ణ గౌడ్ గారికి థ్యాంక్స్. ఈ మూవీ తర్వాత వీరి కాంబినేషన్ లోనే మహిళా కబడ్డీ మూవీ చేస్తున్నాను. “ఆర్ కే దీక్ష” సినిమాలో నంది నంది అనే సాంగ్ చేశాను.ఈ పాట నంది అవార్డ్స్ నేపథ్యంగా సాగుతుంది. ఈ పాట మీ అందరినీ బాగా ఆకట్టుకుంటుంది. మా చిత్రానికి మీ సపోర్ట్ అందించాలని కోరుకుంటున్నా అన్నారు.